Spurt og svarað

Hér getur þú fundið svör við algengum spurningum varðandi námskeið.

Allir einstaklingar sem búa við góða heilsu geta lært að kafa. Köfun er þó ekki sport fyrir alla.

Flogaveikir einstaklingar geta ekki lært að kafa fyrr en þeir hafa verið einkenna- og lyfjalausir í að minnsta kosti 5 ár. Þetta stafar af þeirri einföldu ástæðu að það er hættulegt að fá flog í kafi.  Óreglulegt ljósbrot neðansjávar aukið líkur á flogi.

Köfun hentar ekki þeim sem þjást af mikilli innilokunarkennd. Þó eru til kafara sem hafa þjáðst af innilokunarkennd í upphafi köfunarferlis síns en yfirstigið óttan með góðri tilsögn og hvatningu.

Fatlaðir einstaklingar geta lært köfun. Við metum hvert tilvik fyrir sig með því að senda fyrirspurn á DAN (Divers Alert Network). Innan þeirra samtaka starfa einir færustu sérfræðingar heimsins varðandi köfunartengda sjúkdóma.

Ef þú ert í einhverjum vafa um hæfi þína til köfunar hafðu þá samband. Höfum öryggið að leiðarljósi.

Samkvæmt íslenskum lögum er óheimilt að stunda sportköfun hér á landi ef þú ert yngri en 17 ára.

Marbendill hefur gert undantekningu á kennslu í köfun ef markmið foreldra er að kafa með börnum eða unglingum í útlöndum. Við höfum miðað við fermingaraldur. Námskeið fyrir börn og unglinga er dýrara en hefðbundið námskeið þar sem um einkakennslu er að ræða.

Samkvæmt PADI kerfinu mega börn frá 8 ára aldri læra köfun að uppfylltum ákveðnum skilyrðum. Samgöngustofa sem fer með málefni köfunar hefur samþykkt PADI kerfið í heild sinni. Lög gera þó ráð fyrir að nemendur yngri en 17 ára stundi ekki köfun hér við land. 

Köfun hentar ekki einstaklingum með öndunarfærasjúkdóma.

Astmi er þó mjög einstaklingsbundinn og eitt gengur ekki yfir alla. Best er að tala við heimilislækni eða sérfræðing í öndunarfærasjúkdómum til þess að fá úr því skorið hvort það sé í lagi að kafa ef þú tekur lyf við astma.

Flogaveikum einstaklingum er ráðlagt frá því að kafa þar sem flog í kafi getur leitt til drukknunar. Mælt er með að einstaklingar séu einkenna- og lyfjalausir í að minnsta kosti 5 ár áður en þeir fari í köfun hafi þeir verið flogaveikir. Læknir þarf að meta hæfni til köfunar. Óstöðugt ljósbrot í sjó og vatni getur aukið líkur á því að flog hefjist. Marbendill köfunarskóli hefur öryggi að leiðarljósi og því getum við ekki kennt flogaveikum einstaklingum köfun. 

Námskeiðsgjaldi er ekki hægt að skipta niður. Námskeiðsgjald er greitt við upphaf námskeiðs og nemendur fá í framhaldi aðgang að kennsluefni og köfunardagar eru ákveðnir. 

Aðeins nemendur í Dive Master námi geta skipt niður greiðslum.

Sumir einstaklingar sem höfðu ítrekaðar eyrnabólgur og eyrnasýkingar sem börn eiga í erfiðleikum með að þrýstijafna eyrun. Ýmis góð ráð eru til sem gagnast við þrýstijöfnun. Ef þig langar að læra að kafa en ert ekki viss um hvort þú getir það vegna viðkvæmra eyrna þá mælum við með því að þú byrjir á að prófa PADI Discover Scuba forskólann. Við mælum einnig með að þú talir við þinn háls-, nef -og eyrnalæknir (HNE).  Hann er sérfræðingurinn og getur metið hvort einhver fyrirstaða er fyrir því að hefja nám í köfun. 

Kennsla á byrjendanámskeiðum fer EKKI fram í Silfru.  

Mögulegt er að taka seinni köfunina á þurrgallanámskeiðinu í Silfru ef vel gengur með flotjöfnunina. Önnur námskeið eru alla jafna ekki kennd í Silfru. 

Sum stéttarfélög og starfsmannasjóðir taka þátt í kostnaði við köfunarnámskeið. Framvísa þarf kvittun fyrir greiðslu. Allir nemendur fá kvittun fyrir greiðslu. Nemendum er bent á að kanna hjá sínu félagi hvort kostnaðarþátttaka sé til staðar. Við getum því miður ekki gefið út reikning áður en greiðsla fer fram.

Hafa samband

Ef þú hefur einhverjar spurningar um námskeiðin eða annað efni sendu okkur þá línu.